影片
更多
2016-10-21
2216 瀏覽
阿雪早幾日生日，佢大住個肚，又收得晏，唯有就佢地點食飯，放題本身佢好想食架，但係佢大肚就...為左滿足佢，決定帶佢去食串燒先！上網睇人話呢間串燒正喎！我中意佢獨立做幾款野，咁會做得精啲，有心機啲！餐廳格局都似日本啲居酒屋，好在book左枱咋，7:30都已經坐滿了！睇下個Menu，正常價錢，我叫阿雪唔好同我慳，我地兩個放肆啦！吉烈廣島蠔：4件$42我覺得算平，呢度係銅鑼灣喎仲要！炸粉好薄，基本上一咬已經咬到蠔架啦！吉烈好香口，但要小心燙口，蠔都大隻，係一隻蠔黎，唔係蠔仔，蠔肉唔腥，幾滑！雞軟骨串：最特別係無油架喎！無肥肉，平日食通常都係放題咁，炸雞軟骨，一咬就又油又肥肉，由於呢個係燒，一咬已經係軟骨，好爽脆！汁燒白鱔：鱔一向都係貴野，外面我都唔係好捨得食，不過大肚婆想食，無辦法啦！一串只有四件，鱔肉無骨，可以放心食用，個汁好Juicy，少少甜甜地可以cover白鱔既腥味，鱔肉好脆口，燒到有少少焦，個皮燶燶地咁，好味！香草羊鞍：我好中意呢個整法，因為好貼心，已經切好晒，我地係完全唔需要自己動手，我覺得好體貼！羊鞍一d都唔蘇，而且好有羊味，零脂肪同肥膏，隨碟附送蜜糖芥末醬，如果無加呢個醬，會
上網睇人話呢間串燒正喎！我中意佢獨立做幾款野，咁會做得精啲，有心機啲！餐廳格局都似日本啲居酒屋，好在book左枱咋，7:30都已經坐滿了！睇下個Menu，正常價錢，我叫阿雪唔好同我慳，我地兩個放肆啦！
吉烈廣島蠔：4件$42我覺得算平，呢度係銅鑼灣喎仲要！炸粉好薄，基本上一咬已經咬到蠔架啦！吉烈好香口，但要小心燙口，蠔都大隻，係一隻蠔黎，唔係蠔仔，蠔肉唔腥，幾滑！
雞軟骨串：最特別係無油架喎！無肥肉，平日食通常都係放題咁，炸雞軟骨，一咬就又油又肥肉，由於呢個係燒，一咬已經係軟骨，好爽脆！
汁燒白鱔：鱔一向都係貴野，外面我都唔係好捨得食，不過大肚婆想食，無辦法啦！一串只有四件，鱔肉無骨，可以放心食用，個汁好Juicy，少少甜甜地可以cover白鱔既腥味，鱔肉好脆口，燒到有少少焦，個皮燶燶地咁，好味！
香草羊鞍：我好中意呢個整法，因為好貼心，已經切好晒，我地係完全唔需要自己動手，我覺得好體貼！羊鞍一d都唔蘇，而且好有羊味，零脂肪同肥膏，隨碟附送蜜糖芥末醬，如果無加呢個醬，會食到真正既羊味，如果點左，會完全比個甜味蓋過，少少辣咁。羊鞍肉厚，兩件已經KO左我，滿足！
燒冬菇，菠蘿，粟米：點可以唔叫啲蔬菜類呢？唔好以為平平無奇，無黎文味，連燒冬菇都好好味！冬菇上面加左d木魚，黎到時d木魚好似係度跳舞咁！動來動去～冬菇燒完仲保持到本來既菇味，新鮮清新既菇味，雖然縮細左，但無燶到，無巢皮，咬下去係滑的。菠蘿同粟米都好甜，菠蘿面仲好似塗左蜜糖tim！
戲肉來了！今晚之最！鵝肝什菌石窩飯！石窩飯，飯焦脆，吸收晒日月精華，千呼萬喚都係等飯焦！講返主角，鵝肝Size大約有半隻手咁大，食落軟身有咬口，一啲都唔腥。我中意啲菇，好Juicy，咬落又爽，菇夠晒幼身，味道一流，鵝肝可能本身會「漏」，但用黎撈飯就唔會，唔單止有飯香，仲有鵝肝既香味侵入飯內，正呀！$108蚊食到鵝肝，想點先？
飽飽了，阿雪表示滿意，我個肚腩都係XD
張貼
