有錢佬靚粥 (已結業)

放工唔舒服諗住食碗粥，見東大街新開張咪去試下，去到見佢有個女仔係到派傳單，粥得幾款（應該得6款咁上下），佢介紹有個用豬骨，有個用牛骨煮嘅2款粥，話係佢地嘅推介。咁我就試下個豬骨粥囉。買完加埋返到屋企前後都無10分鐘，我就打開碗粥食，點知一打開竟然係得啲肉碎，幾粒蜀米，睇張相完全想像唔到係咁囉。都算啦！諗可能個粥底好甜，點知淡某某，好似醫院粥咁囉！完全唔知想點！跟手試下個蝦米腸，竟然凍到硬掘掘，一拮就斷！絕對唔會想再食囉！