屋子 (已結業)

呢間餐廳之前日日大排長龍，應該一定有佢個人之處吧？今日平日中午去已經唔需要排隊，12時正，眼見D職員唔夠，兩個整飲品，兩個落單同出菜，完全冇人帶位，要等職員落完單先有人帶位，咁大間餐廳第一步已經做得唔好。午餐大概一百蚊多啲，包杯飲品。叫左個牛肉冷麵，味道正正常常，唔伏但冇驚喜，餐盤上嗰個麵豉湯細到爆炸，從來冇見過咁細，仲要用個杯裝，我完全唔覺得咁樣叫特色，係叫小家。精巧細緻唔應該放起碗湯度，係應該放喺主菜嘅擺設上！另外，服務員嚴重不足，定係未番哂工？個場咁大，得兩個人跑來跑去又出菜又落單又帶位，其實12點已經係食飯時間，人手安排有少少問題，嚴重影響服務質素。