博多一幸舍 (已結業)

天氣凍最好就係食拉麵. 難得有人話想試新野, 梗奉倍. 大慨7點半黎到. 前面有6-7人, 同對面豚王差不多. 等左大慨15分鐘就有得入. 舖頭之前係舞心拉麵, 個擺位同裝修都差唔多. 坐位都唔算好逼. 見到牆上寫原來全世界已經有好多分店, 最奇怪係印尼分店數目竟然同日本差唔多. 乜印尼人興食日本拉麵? 印尼唔係唔食豬架咩…難度嗰邊係雞骨拉麵?叫左濃湯豚骨拉麵加隻糖心蛋. 所有野揀普通. 湯夠熱, 好香但偏油同偏咸. 本身諗住試下佢檯上的拉麵醬油, 但因為已經偏咸所以唔洗加了. 麵身幼, 彈牙; 叉燒夠薄亦綿; 糖心蛋穿左, 好彩冇漏出黎, 裏面熟度剛好. 木耳普通. 檯上的紅薑絲雖然較乾身但襯拉麵幾開胃.總結: 幾好. 比起附近的日式拉麵, 收$ 68一碗算平. 如果想食拉麵又唔想排得耐可以試下.