首爾家韓國料理

營業中

休息中

成日都想食韓燒但唔想食到成身油煙味，呢度可以自己燒或好似我咁選擇餐廳幫我燒。打開餐牌見到dinner set食物都幾合我口味，可以我地3人一於叫個2人餐再加碗泡菜湯就夠啦。點完野食野飲，待應送上數碟小食，我最鐘意小黃瓜，酸酸甜甜好開胃，仲可以免費添加。韓式炒豬肉少少辣，肉質好有口感，唔會太乾，我鐘意夾住生菜一齊食。牛肋骨大大塊仲有6塊咁多，咬落非常多肉汁，啖啖肉好滿足石頭鍋飯最正係有飯焦，我最鐘意，真係食唔停口炒年糕份量剛好，小小辣好有口感，同我在韓國食個d真係好似。最後呢個泡菜鍋非常好飲，鍋內有少量肉，大量菜同豆腐，食落完全唔會好油，酸酸辣辣好醒胃，一口接一口咁飲，好好味。