梅丘壽司の美登利総本店 (新城市廣場一期)

營業中

休息中

去沙田睇傢俬，唔知食乜好揀咗呢間過江龍壽司舖試吓！嚟咗香港咁耐都冇試過，成日覺得係日本好好食嘅壽司嚟咗香港就會好難食，今次竟然冇令我失望。呢間中價位嘅壽司都新鮮，款式多，會再戰！特盛壽司刺身同飯嘅比例啱啱好，唔會太少或者太多飯，刺身全部都好新鮮，蟹肉蟹膏鮮甜有蟹味，第一次食到好食嘅甜蛋，可惜手卷擺耐紫菜淋咗，可以考慮呢個set唔好擺手卷！滿滿三貫一上枱真係嘩一聲，真係好似佢個名咁滿到瀉晒！海膽冇苦澀味夠鮮甜，拖羅蓉冇筋，三文魚子唔腥，每粒都爆珠咁新鮮~活赤貝 活北寄貝原來好食嘅北寄貝可以咁正，貝類新鮮食真係好爽口鮮甜，好掂呀！下次一人一隻唔過份呀😚炸蝦卷呢個就係比較遜色嘅一款，蝦炸得唔夠脆，同埋唔知點解要加鰻魚汁，唔食甜野嘅男朋友表示🙅🏼‍♂️🙅🏼‍♂️🙅🏼‍♂️下次會再嚟呀🤤