影片
更多
2010-01-02
9 瀏覽
年頭某一日約左朋友本來想黎呢到飲茶, 點知嗰次勁多人等位所以無等到就走左. 年尾既今日再黎. 今次諗住飲完茶去打波, 所以十點就黎郅ling位, 星期日十點都仲未係高峰時間. 所以雖然酒樓既入座率高但係3位都唔駛等~~~坐底睇下點心紙, 都係叫d普通野, 質素都係普通啦. 都無咩特別. 全餐最驚喜既係佢嗰碟家鄉炒米粉. 我哋d點心未黎之前我周圍望見到枱枱都有一碟米粉. 呢d平時唔係大熱既點心我好奇怪點枱枱都有一碟. 於是乎我都點碟黎試下. 真係ok喎, 唔油. d粉絲唔會好似其他酒樓咁反晒光. 蔬菜同粉絲既比例ok, 唔會成碟都係粉. 食到碟底都唔會發現有可以照鏡既情況出現. 唔錯唔錯!
張貼