深井陳記燒鵝 (已結業)

點解可以咁難食，比門面同個名呃咗入去，叫咗2個菜，半隻燒鵝（例排$130），嚟到件件鵝又大舊又硬，肉唔嫩之餘，個皮下面仲好多肥脂肪，皮唔脆係林既，而且個汁係好似甜豉油，太咸，配碟點鴨既甜醬完全唔夾，又咸又甜。仲要百三蚊碟，都算，最慘係好難食，夾硬舌咗佢。第二碟真係唔寫對唔住自己，寫住檳城炒貴刁（無記錯的話）寫文仲要寫Malaysian style xxx fried flat noodle $6x 嚟到竟然係河粉撈港式茶餐廳咖哩汁，有幾隻蝦、火腿、芽菜咁。好唔好食唔想多講，成碟野又係油淋淋，不如寫返「港式炒貴刁」唔好誤導人啦。