辣妹老七 (已結業)

心血來潮想食川菜，但去到本身想食嗰間冇開，咁啱見到附近又有間川菜就過嚟試吓呢間。入到去都有幾多選擇，我哋叫咗碗酸菜魚，口水雞，夫妻肺片。酸菜魚勁大份，但啲湯感覺好水，冇乜味，唔算好酸亦都唔算好辣，真係好清好健康嘅感覺，唔係想像中嗰種酸菜魚有啲失望😞不過好足料係真嘅。口水雞同夫妻肺片係同一隻味，亦都唔係平時食開正宗嗰隻川菜，似係用出面買嘅辣椒油撈埋啲餸咁，最奇怪係唔知點解會帶有少少酸味🥲雖然唔算係難食，但同想像中有啲出入，只可以話唔係正宗嘅川菜🥺