影片
更多
2019-11-01
64 瀏覽
日本大阪著名餐廳登陸香港, 一直都好想試! 不過見 Openrice Comment 實在有點差, 所以一直唔去試…….早幾日去朗豪坊做完嘢, 決心一試! 粉紅少女心裝潢, 一粒粒雲燈好可愛, 坐位舒適, 服務非常到位! 坐低選好食品, 先到櫃檯落單比錢, 再派震震機等食物送到…店員指香港廚師專程走到大阪店深造學正宗手藝, 而日本店廚師曾在開業時來香港坐陣呢! 有萬聖節限定食品及飲品 (至11月 6日) , 梗係試啦! “南瓜班戟” ~ 將南瓜加入 Pancake, 仲有南瓜蓉, 糖煮南瓜, 焦糖海鹽杏仁伴碟! 最特別一點係唔用糖漿, 而係用香濃幼粒杏仁醬, 成件事口感好豐富! Pancake 鬆軟有質感, 南瓜味濃, 碟中還有南瓜圖案同埋滑滑鬼鬼 Cream, 可愛度爆燈! 南瓜鮮奶咖啡 ~ 滿滿南瓜香, 唔會太重奶味, 好有節日氣氛! 招牌瑞可塔芝士梳乎厘班戟 ~ 口感鬆軟綿密、入口即化，濃濃芝士味, 超香軟幼滑! 又厚又震震下好鬆化, 蛋味非常濃郁! 事實係比不上日本一陣風一樣輕, 但絶對唔差, 比坊間好幾家出名厚 Pancake 的還要好很多啊! 角煮豚肉奄列糙米飯 ~ 唔止
坐低選好食品, 先到櫃檯落單比錢, 再派震震機等食物送到…店員指香港廚師專程走到大阪店深造學正宗手藝, 而日本店廚師曾在開業時來香港坐陣呢!
有萬聖節限定食品及飲品 (至11月 6日) , 梗係試啦!
“南瓜班戟” ~ 將南瓜加入 Pancake, 仲有南瓜蓉, 糖煮南瓜, 焦糖海鹽杏仁伴碟! 最特別一點係唔用糖漿, 而係用香濃幼粒杏仁醬, 成件事口感好豐富! Pancake 鬆軟有質感, 南瓜味濃, 碟中還有南瓜圖案同埋滑滑鬼鬼 Cream, 可愛度爆燈!
南瓜鮮奶咖啡 ~ 滿滿南瓜香, 唔會太重奶味, 好有節日氣氛!
招牌瑞可塔芝士梳乎厘班戟 ~ 口感鬆軟綿密、入口即化，濃濃芝士味, 超香軟幼滑! 又厚又震震下好鬆化, 蛋味非常濃郁! 事實係比不上日本一陣風一樣輕, 但絶對唔差, 比坊間好幾家出名厚 Pancake 的還要好很多啊!
角煮豚肉奄列糙米飯 ~ 唔止食甜品, 其實熱食都好好味! 角煮豚肉好淋好入味, 味道完全融入飯中, 糙米飯軟硬適中, 每口飯都吃到濃濃香滑角煮豚肉味道, 超推介!
意大利香腸意瓜檸檬忌廉汁意粉 ~ 意粉於我軟硬適中, 大肚婆話可以再淋少少! 忌廉汁汁好香檸檬味, 濃度剛好掛面, 香腸呈粒粒肉丸形狀, 食得出香草味, 但我覺得有點乾, 朋友反而好喜歡!
抹茶鮮奶 ~ 朋友係綠茶控! 呢杯好適合佢, 抹茶味濃郁, 鮮奶香滑, very good!
註: 可能初初開業未做到最好, 我自己食又唔覺得食物質素差!
張貼
