URBAN Cafe (彌敦道)

營業中

休息中

繼續日日繁忙，星期二約咗朋友去旺角傾嘢，去咗另一個朋友介紹嘅樓上cafe。去到望入去勁多人，好彩等咗一陣有位。叫咗兩set晚餐，一個係意大利飯，一個係水牛芝士pizza。餐湯係南瓜湯，好夠味同幾有口感，個意大利飯嚟到估唔到都幾大份，同friend 一人一半，濃淡啱啱好嘅，水牛芝士pizza, 由於我一向好鍾意水牛芝士，我覺得好正，啖啖芝士香。另外加咗個炸魚薯條，d炸魚好正，外面夠脆，入面多汁有魚香樓上cafe嚟講d嘢食真係好高質。成晚朋友好開心，因為呢度有個特色係好多靚靚貓，可以任人抱同任人摸。不過我唔係貓友，我係唔敢抱貓嘅，不過有隻貓叫冬菇好過癮，坐係附近任影唔嬲，我幾鍾意佢。