金源小館 (已結業)

心思思就會想返嚟呢度食晚飯，我會掛住佢哋嘅手撕雞，所有嘅炒餸都好好味，今日同阿多兩個人開餐。油浸筍殻魚 - 除咗太子嘅新志記，呢度嘅一定係我嘅最愛，亦都係必食，香脆肉嫩，豉油鮮甜，魚皮炸得脆落落，完全冇腥味！蒜蓉開邊蒸蝦 - 又係唔會錯嘅選擇，因為佢，我哋食咗兩碗白飯，唯一美中不足，就係有蝦屎，不過都唔會影響我對佢嘅愛椒鹽白飯魚 - 炸得乾身，鬆脆，椒鹽味啱啱好，冇得輸，為咗佢，仲叫埋啤酒！今日甜品送豆腐花，好好味呀！