麵屋丸京

營業中

休息中

本人第一次寫食評，因為我覺得口味嘅嘢好個人，我話好食可能唔啱你口味。但係今次唔係味道咁簡單。本身呢到拉麵已經唔多選擇，湯味亦唔多，只有濃湯、清湯、辛味同黑蒜。我係正常七點去就已經冇辛味湯。咁好啦，食麵唔夠飽就想叫小食，本身小食都係得一款餃子同一款炸雞，又係冇哂。咁我覺得既然你乜都冇咪寫張紙貼係門口話俾人知囉，我一早知咁少嘢食或者我唔嘥時間排隊呢！嗰兩個後生全程黑口黑面，找錢俾你態度又差（只收現金）大力找錢落你手，我欠你㗎。