影片
更多
2020-05-23
692 瀏覽
之前都有食過呢間餐廳覺得質素唔錯,咁啱見到雜誌有介紹佢逢禮拜六日做緊semi tea buffet,用餐時間90分鐘 ,而且價錢只係89蚊再加一,所以就諗住去試下.佢要提前book位嘅, 好啦打咗廿幾次電話終於book到去食第二輪4點鐘嘅tea buffet,咁今日就去食啦,但尋晚就收到佢嘅 whatsapp話4點呢個時段改左4點半,ok冇問題, 我哋4點3去到等咗一陣4點20分就安排我哋坐位.間餐廳set咗好多位,枱與枱之間一定唔會有1.5米咁闊 ,因為佢將兩張二人枱拍埋一齊畀人坐, 變相我同隔離位唔識嘅人相隔0.2米都冇, 坐得仲迫過moko food court啲位, 同啲侍應講返,佢話係咁㗎啦,唔係點坐咁多人呀.經過幾番要求,最終調咗一個近餐廳門口嘅位畀我哋,隔離係冇枱嘅. 好啦跟住畀個餐牌我哋喇, 原先除咗芒果梳乎厘同埋珍珠奶茶梳乎厘係只可以揀其中一樣食之外,其餘嘢都係可以任食嘅, 但今日去到原來有五樣嘢只可以揀一樣嚟食,同埋只可以點一次,包括菠蘿炒飯,嗰兩個梳乎,船河仲有一樣已經唔記得係咩啦,但明明上個禮拜呢幾樣都可以任食,但而家已經改咗啦.好啦出去影下啲食物先,咁啱佢就話
佢要提前book位嘅, 好啦打咗廿幾次電話終於book到去食第二輪4點鐘嘅tea buffet,咁今日就去食啦,但尋晚就收到佢嘅 whatsapp話4點呢個時段改左4點半,ok冇問題, 我哋4點3去到等咗一陣4點20分就安排我哋坐位.
間餐廳set咗好多位,枱與枱之間一定唔會有1.5米咁闊 ,因為佢將兩張二人枱拍埋一齊畀人坐, 變相我同隔離位唔識嘅人相隔0.2米都冇, 坐得仲迫過moko food court啲位, 同啲侍應講返,佢話係咁㗎啦,唔係點坐咁多人呀.經過幾番要求,最終調咗一個近餐廳門口嘅位畀我哋,隔離係冇枱嘅.
好啦跟住畀個餐牌我哋喇, 原先除咗芒果梳乎厘同埋珍珠奶茶梳乎厘係只可以揀其中一樣食之外,其餘嘢都係可以任食嘅, 但今日去到原來有五樣嘢只可以揀一樣嚟食,同埋只可以點一次,包括菠蘿炒飯,嗰兩個梳乎,船河仲有一樣已經唔記得係咩啦,但明明上個禮拜呢幾樣都可以任食,但而家已經改咗啦.
好啦出去影下啲食物先,咁啱佢就話可以攞嘢食喇,張食物枱比較細,檯面上有啲炸物,有四款沙律,芒果糯米飯,椰汁糕,椰汁西米糕, 两款蛋糕,蝦片等. 咁我就每樣攞一兩件返嚟試下先.
春卷都夠脆, 啲餡都係肉絲呀都ok好味
另外有一個叫三文魚波波 用個盒裝住嘅 ,呢個味道一般, 凍嘅, 啲肉有啲實,冇乜三文魚味. 青木瓜沙律就好味, 個汁辣辣地, 青木瓜爽口,幾開胃. 有個係軟殼蟹米紙卷,呢個好味,軟殼蟹仲係熱熱地,好脆 ,幾特別,因為好少米紙卷係包軟殼蟹. 之後試咗舊炸雞球, 佢質感同三文魚波波差唔多, 啲肉都係實嘅冇乜味,唔好食.
食完一輪鹹嘢就試下佢啲甜品. 椰汁糕都幾好食,椰汁味重 ,不過比較淋. 綠色嗰件係拉椰糕,其實即係千層糕,呢件就實咗啲,椰汁同班蘭味都唔重,麻麻地.
再食件朱古力蛋糕,嘩,好難食,係有朱古力味, 但蛋糕係實嘅, 仲有少少硬.反而件Tiramisu就好味喇,有淡淡咖啡酒味,啲cream食落又唔覺膩,蛋糕鬆軟. 另外有幾粒細細嘅泡芙,呢個都ok.泡芙皮唔淋又唔脆,入面有少少朱古力,唔太甜.
自選嘢食最終揀咗菠蘿炒飯同芒果梳乎厘
菠蘿炒飯麻麻地 ,啲飯仲濕濕地,炒得唔乾,比較淡味.
而芒果梳乎厘都係一般, 冇乜蛋白味,入口唔係即融,唔夠soft.
好啦試曬咁多嘢諗住好食嘅就再encore去攞啦,出到去,剩返個啲難食嘅朱古力蛋糕同春卷,之後再出多去幾次都係冇refill. 佢哋refill速度慢 ,逐樣逐樣嘢食慢慢出,但攞嘢食嘅人太多,啲嘢食一出,廿幾個人圍曬喺食物枱好快啲食物已經冇曬, 好彩我朋友幫我攞到最後兩件芒果糯米飯, 芒果糯米飯一如以往好食,糯米飯煙韌度適中,有淡淡嘅椰汁味.
好啦係時候嗌杯餐飲,點知侍應話唔包嘢飲 😔 但明明我前日先睇到話包餐飲,咁我朋友就上佢哋官方嘅fb度睇,見到尋晚十點仲出緊post話包嘢飲, 於是又叫個侍應嚟問下,佢就走去問另一位侍應,最終嗰位侍應走過嚟同我哋講話fb嗰度寫錯,但都照畀杯嘢飲我哋, 唉,搞到好似我哋去乞求佢杯嘢飲咁
最終我只係食咗我自己攞嗰兩碟嘢同埋自選食物,仲有兩件芒果糯米飯
buffet六點鐘就完,佢五點三開始已經唔refill.到五點半我哋問侍應係咪唔會再refill,跟住佢問我哋有咩想食,我朋友就話想食tiramisu,最終佢竟然喺廚房攞咗4件tiramisu畀我哋 ,都叫做有少少安慰嘅.
總括嚟講食物質素係ok嘅, 某幾個侍應熱心,態度好.但用餐體驗同過程都唔好,亦令我成為一個麻煩食客. 要乞求佢杯嘢飲又要佢去攞食物畀我,一百蚊就唔應該要求咁多😣 不過當五星酒店餐廳都做緊discount 時,我寧願畀多百幾蚊去四季high個tea或者去JW食個tea buffet.
張貼
