鵝來了 (已結業)

平日路過見佢裝修得幾企理，今日一心試下佢 D 鵝。外買的過程，收銀姐姐已經一直黑口黑面，態度語氣又差，未食已經唔多開胃！走左先發現，外買 3 份餐，但只俾兩份餐具。。。講返份餐，份量實在係細得可憐，鵝的份量少，連飯都少過人，食完份餐完全唔飽！鵝的味道還可以的，流心蛋係成份餐最好食既。白飯同鵝油飯冇乜分別，連色水都睇唔出有咩分別。以呢個份量同味道，實在係唔抵食。本身味道一般，加上要睇面色，我以後都唔會再幫襯了。