上片皮鴨嗰時，個侍應專登將個片皮鴨放隔籬枱，唔知係咪張枱太細啦！我離遠睇，隻片皮鴨皺皮嘅，開頭不以為意，我自己又同客一齊，費事講，佢又拎開咗去片，片完個鴨架又唔俾返我，話要加$100就可以做多個生菜肉鬆或者涼瓜鴨，算啦咁。片皮鴨點知一食，凍嘅！一啲都唔新鮮！我個客都冇乜點食，幾尷尬！！隔籬枱嗰啲片皮鴨上菜時隻隻脹卜卜，熱辣辣！佢哋可能都知道唔新鮮，個鴨架費事俾我睇到。我後尾諗返起好後悔，一定要比差評！唔會再返嚟，一生黑！
以上食評乃用戶個人意見 , 並不代表OpenRice之觀點。
讚好
用餐日期
2023-12-14
用餐途徑
堂食
