韓食家純豆腐麵店

同朋友午餐聚聚，是是但但走入去韓食家
一走入去完全冇STAFF 服務
STAFF們"各自為政"，玩手機同吹水
感覺極到唔好

食物水準同樣地一般
友人同我點了一個豆腐雜菌鍋同一個泡菜豬肉鍋
友人的雜菌鍋的菇裝得滿滿，但我的豬肉鍋只有豬肉三小片
$54的午餐，在區內已經算貴
只提供豬肉三小片會唔會過份左少少啊!

味道方面更係一般般
飯唔夠熟，食落口硬硬的
泡菜唔夠泡菜味，只有丁點辣味，湯紅而不辣
辣油的色素佈滿嘴巴，抹嘴時足足花了兩大張紙巾!

新蒲崗韓食家，完全不推介