青森二丁目 (已結業)

繼續同朋友搵上水好食處。 蟹籽芒果沙律好足蟹籽都好新鮮，咬落去卜卜聲正正子。芒果熟到有少少爛，不過夠甜。但係沙律菜同沙律醬比例唔平均，太多沙律醬破壞晒整體，淨係食到沙律醬味 三文魚刺身唔夠新鮮，口感有D霉霉地，都無晒三文魚鮮味⋯ 帶子刺身同樣唔夠新鮮，不過比起三文魚刺身要鮮甜少少。 黃金魷魚軍艦，好咸。咸到咬一啖之後唔想呑落肚，但魷魚本身夠新鮮既，有嚼勁。海膽軍艦，幾新鮮都唔會太乾身，而且份量足，算唔錯。 牛肉粒⋯好咸好難咬。我同朋友各食左一粒之後就無再食過⋯⋯整體黎講係可一不可再⋯