影片
更多
2013-06-19
10 瀏覽
兩個人行街行得攰，諗住搵個好少少嘅地方食甜品休息，平時行過遠睇環境好似靚靚地，本身又鍾意抹茶，就決定嚟試吓。 去到門口收銀位置見到一班人等緊枱，收銀位置亂到七彩，成枱茶牌，大大話話有成百張收據飛哂出嚟，成個枱面都係 ，係咪應該執返好？仲要門口人人行過都睇到，大商場入面嘅呢間舖個門面仲嗱喳過街邊嘅大排檔，望入去員工個個黑口黑面。 由於入面剛好有位，3分鐘就入到去。一坐底，見到枱面一大個水杯水印，到底有無抹過枱？ 店員黑口黑面放低餐牌，揀完嘢食，眼見全部只有三個侍應，舉手舉咗勁耐都無人嚟，一來全店都爆滿好似人手不足，二來侍應圍哂响水吧同廚房傾計好唔得閒，佢哋傾得咁開心，口水會唔會飛哂落去？員工們都好奇怪，成班圍埋傾計就笑容滿面，一轉身對客就無表情黑哂面。 朋友叫咗一個飯（約70），一杯凍飲（約＄40），我就叫咗甜品（約＄60），價錢係完全唔平，又無set，希望食物值返呢個價錢。－－－－－－我叫咗下面呢個咩咩“抹茶軟雪糕紅豆白玉饀蜜“之類。（約＄60）主要係抹茶雪榚、一舊饀蜜、三片橙、兩片士多啤、三粒白玉（湯丸粉團無餡）、一舊仔紅豆餡、一堆無味啫喱狀物、仲有舊細嘢唔知乜
去到門口收銀位置見到一班人等緊枱，收銀位置亂到七彩，成枱茶牌，大大話話有成百張收據飛哂出嚟，成個枱面都係 ，係咪應該執返好？仲要門口人人行過都睇到，大商場入面嘅呢間舖個門面仲嗱喳過街邊嘅大排檔，望入去員工個個黑口黑面。
由於入面剛好有位，3分鐘就入到去。
一坐底，見到枱面一大個水杯水印，到底有無抹過枱？ 店員黑口黑面放低餐牌，揀完嘢食，眼見全部只有三個侍應，舉手舉咗勁耐都無人嚟，一來全店都爆滿好似人手不足，二來侍應圍哂响水吧同廚房傾計好唔得閒，佢哋傾得咁開心，口水會唔會飛哂落去？員工們都好奇怪，成班圍埋傾計就笑容滿面，一轉身對客就無表情黑哂面。
朋友叫咗一個飯（約70），一杯凍飲（約＄40），我就叫咗甜品（約＄60），價錢係完全唔平，又無set，希望食物值返呢個價錢。
－－－－－－
我叫咗下面呢個咩咩“抹茶軟雪糕紅豆白玉饀蜜“之類。
（約＄60）主要係抹茶雪榚、一舊饀蜜、三片橙、兩片士多啤、三粒白玉（湯丸粉團無餡）、一舊仔紅豆餡、一堆無味啫喱狀物、仲有舊細嘢唔知乜＋一杯熱茶仔。
－－－－－－
雪榚好似溝咗好多水，仲食到有冰塊 。當中最好食係三片橙，好甜似浸過糖水。白玉幾有咬口，其他嘢就無乜特別，底層啫喱狀物真係純粹比你咬，因為係無味。雪榚可能因為太多冰，溶得極快，好快出水。個人唔太特別食饀蜜，覺得配料配搭得好怪，唔係好夾。食完啖雪榚再飲啖茶，唔知係茶本身無味定食完雪榚無味，成件事配搭到錯哂，下次寧願去許留山，平過你又大份過你。
食完舉手埋單，又係舉勁耐無人理，成班店員感情好深厚，侍應背對住客人，傾傾傾傾傾傾傾傾傾傾傾傾傾傾得好開心，我望到其中一個男侍應邊傾邊食緊店內賣緊＄29嘅抹茶甜筒 ，大開眼界，隔離枱都一齊舉咗好耐手先有店員黑哂面咁嚟收錢，兩個人埋單一百六十，嘩真心唔抵食！服務態度仲要咁，唔會再嚟！
食物一般，環境混亂，服務態度認真一百級惡劣。
題外話/補充資料：
假如想傾計坐得耐，嚟呢度最好，因為店員忙住傾計，唔得閒理客人。
(以上食評乃用戶個人意見 , 並不代表OpenRice之觀點。)
張貼
