Table 18 Bar & Restaurant (已結業)

去過APM既人都知呢度好多餐廳都要排隊，仲要正值星期日一點半既時間.....成日都經過TABLE 18，發覺都唔滿座，就即管去睇下有咩食。去到果然仲有大把位。不過侍應話入面就要2點半交檯，出面就可以坐耐D。其實出面都有冷氣，無所謂啦。反而係諗食佢個LUNCH BUFFET好定散叫好。LUNCH BUFFET $198+10% PP 到2點半，散叫佢就得十多款野食選擇。最後為左怕好趕咁食，都係散叫算。煙三文魚凱撒沙律: 三文魚好食，唯獨個菜唔夠新鮮，唔爽口，淋淋地。蜜糖烤豬肋骨:呢個我真係覺得唔好食。Ｄ肉好硬好鞋，可能我食過一Ｄ真係好軟熟，好入味既豬肋骨，呢個對我黎講唔得囉～水牛雞翼：雞翼又大隻又多肉，個醬唔太咸，肉又好滑，呢個好味～炸魚沙律配薯條：炸魚個漿唔厚，薄薄的。魚肉都好厚身，但略嫌仲有陣雪味。特別係放左１０分鐘之後再食，有陣生锈味。薯條我就覺得好失望，因為睇佢個樣炸得好靚好靚，但食落個薯仔應該出左事。因為我食唔到裡面既薯仔。個種口感係食到個皮，但入面空氣感好重，好奇怪。總之就麻麻。另外叫左２杯野飲，普普通通咁。如果下次都係唔駛等位，我都會黎試埋其他野食的～