金加利餐廳 (已結業)

今日心血來朝想食港式沙律，咁啱見到金加利個餐牌有，個餐有多士、餐湯、甜品同餐茶，72元，ok呀，一於入去試試。我點咗個豬肋骨沙律餐，羅宋湯，多士同羅宋湯，唔係好夠熱，算中規中矩啦，豬仔骨沙律碟頭好大，買賣相唔錯，有生菜蕃茄伴碟，上面淋咗啲加咗香草嘅油，不過同沙律嘅味唔夾，我接受唔到。沙律有薯仔、紅蘿蔔、菠蘿、椰果；仲有一種咬落去實的的橙色類似桃，但完全冇桃味的物體；薯仔食落唔似薯仔，質感「腎腎」地，鬆鬆地，我估佢雪得太耐，雪到薯仔啲組織都壞晒，淨係得菠蘿椰果正常啲；咁都攞得出嚟奉客﹖汗﹗豬肋骨大大件，油淋淋的，肉質稔到接近霉，味道總算不太差，結果我加咗一蚊買個盒打包豬肋骨，沙律剩番喺度。甜品係提子味啫喱，加花奶，味道正常。餐茶叫咗熱好立克，好立克淡而冇味，唔駛咁慳吧！