影片
更多
2011-02-09
40 瀏覽
之前幫襯開大角咀o個邊,呢邊新開張時就問佢送唔送外賣,佢地話唐樓要落樓下自己攞,驚d亞姐一個危險wor!(其實呢頭大部份都係唐樓,得佢一間話唔送上樓!)我話有時要睇住小朋友落唔到街先叫外賣,佢地就話講聲都可以幫我送上樓!之後叫左好多次外賣講聲都肯幫我送上黎!但近排唔知點解質素有d下降,試過落去鋪頭叫份羊腩煲竟然係微暖!所以少左幫襯佢地!今日我好似之前咁話要麻煩佢地送上樓,我仲怕小朋友嘈聽唔到拍門打多次留電話,聽電話既話ok,但感覺上冇乜禮貌,一講完個號碼就cut線!等左成45分鐘,電話響以為外賣到,同亞姐話出黎開門,點知個亞姐竟然叫我落樓?!我:講底左要睇細路落唔到黎架,麻煩你送上黎呀!亞姐:不嬲都唔送上樓架,你自己落黎攞啦!我:我要睇住小朋友真係落唔到黎wor!亞姐:咁我地不嬲都唔送上樓嘛(繼續堅持)我:咁你拎返去問吓囉!亞姐:你住邊度架,門口係咪有閘架?(冇野呀?!你盲架,企o係樓下都睇唔到?!)我:你唔知就拎返去啦!唔駛送上黎啦!我好嬲咁即刻打去鋪頭,話要睇小朋友落唔到去要送上樓話ok,家陣亞姐又要我落樓,電話個人淨係答:係呀!我話唔想做我生意咪講囉!就cut我線!之後再打過去就
佢地話唐樓要落樓下自己攞,驚d亞姐一個危險wor!
(其實呢頭大部份都係唐樓,得佢一間話唔送上樓!)
我話有時要睇住小朋友落唔到街先叫外賣,
佢地就話講聲都可以幫我送上樓!
之後叫左好多次外賣講聲都肯幫我送上黎!
但近排唔知點解質素有d下降,
試過落去鋪頭叫份羊腩煲竟然係微暖!
所以少左幫襯佢地!
今日我好似之前咁話要麻煩佢地送上樓,
我仲怕小朋友嘈聽唔到拍門打多次留電話,
聽電話既話ok,但感覺上冇乜禮貌,一講完個號碼就cut線!
等左成45分鐘,電話響以為外賣到,同亞姐話出黎開門,
點知個亞姐竟然叫我落樓?!
我:講底左要睇細路落唔到黎架,麻煩你送上黎呀!
亞姐:不嬲都唔送上樓架,你自己落黎攞啦!
我:我要睇住小朋友真係落唔到黎wor!
亞姐:咁我地不嬲都唔送上樓嘛(繼續堅持)
我:咁你拎返去問吓囉!
亞姐:你住邊度架,門口係咪有閘架?(冇野呀?!你盲架,企o係樓下都睇唔到?!)
我:你唔知就拎返去啦!唔駛送上黎啦!
我好嬲咁即刻打去鋪頭,話要睇小朋友落唔到去要送上樓話ok,家陣亞姐又要我落樓,
電話個人淨係答:係呀!我話唔想做我生意咪講囉!就cut我線!
之後再打過去就第二個人聽,佢話幫我打俾個亞姐叫佢送上黎,
轉頭仲打俾我問送左上黎未!
我叫左3份下午茶餐
芝士白汁雞皇意粉---d汁好多但杰,槳糊一樣,連我個仔都話:咁多芝士?!多就好食既咩?!
避風塘炒米---又話會有d辣,但係我個仔都食到囉!冇啦啦有幾粒豆豉,但係成盒炒米好似茶樓炒米咁,只不過多左兩隻蝦...
蝦醬雞肉炒飯---得呢盒最正常,味道一般!
張貼