稻香訓練酒樓 (已結業)

其實唔知訓練廚師定樓面，但樓面的肯定要再訓練，我唔明一張大檯，已經空出缺口畀阿姐上菜，佢哋點都要喺人同人中間上菜？？？落單嘅人手嚴重不足，等咗10 幾分鐘都無人理。之前試過飲茶，點心都OK，但係晚飯就......招牌冰鎮咕嚕肉，冬天嚟個冰鎮，我哋都叫就當自己笨蕉；梅菜菜芯，阿菜芯老過阿婆，梅菜無沙但係亦無味，成百蚊一碟（我知香港物價貴）；燒鵝一般；霸王雞算可以；全晚最好食係碟豉油王炒麵，起碼夠熱，不過成百蚊碟，唔好食就真係無下次囉！