陸陸雞煲火鍋 (已結業)

好耐無食雞煲啦，呢日心癮起好想食，就拉埋三位姊妹去增磅一下本身想食散叫雞煲，但坐低見到有$268/位既套餐，有雞煲，龍蝦煲，海鮮拼盤，仲有一大堆打邊爐配料，睇落好豐富，就揀左呢個餐，我地夠4人仲有埋蟹添~睇圖就覺好豐富，點知實物係更更更豐富，D料亦出乎意料地高質~先有前菜開開胃~然後係一個細雞煲，由於同行友不吃辣，我地就揀左bb辣，BB辣係只有極輕微辣，無麻既，所以真係無咁香，但都幾惹味，雞肉滑，適合少少辣都食唔到既人~食完雞煲就上左呢個龍蝦湯，入面有一隻有膏既波士頓龍蝦，下面仲有d蚬，湯底係濃濃既龍蝦海鮮味~個牛比想像中靚，而且份量好多，除左海鮮盤係一大盤，其他料都係每款有兩碟架~呢個牛d雪花都幾靚，色澤紅潤，食落牛味好重~之後就係魷魚，蠔，蟹~蟹有肉又有膏，味道鮮甜~之後就係大大盤海鮮盤，有帶子，鮑魚，魚，蝦，聖子，蚌~蝦爽，鮑魚彈牙，帶珠鮮甜，全部都新鮮好味~真係好抵食...基本上食完個海鮮盤已經飽左，之後仲有手打丸(有兩碟架)，有黑墨丸，白墨丸，蝦丸，好爽彈~然後係水餃，雲吞，魚皮餃~水餃大大隻入面係泡菜豬肉，味道唔錯~跟住仲有響鈴，炸魚皮，午餐肉，魚片頭，蟹棒，完全唔怕蝕，只