敘福樓海鮮酒家 (已結業)

上星期四晚係呢度食晚飯...一入去就揀個「電視位」(因為我鍾意電視撈飯)，諗住坐低既時候，見到張櫈污糟極了，而且爛爛地...用濕紙巾抹完張櫈就點野食...我點既係T骨扒配炸帶子，有餐湯(無餐飽配)，同埋一杯熱菜蜜~塊扒比我想像中大左二分一，好咸同好淋(一定落左好多梳打粉...)我覺得最好係熱菜蜜...友人點既係西冷扒，有兩粒田螺焗著蓉(用咁大隻碟顯得呢兩粒田螺好可憐...好小家...)，西洋菜湯配餐飽(無晒西湯夾硬送碗中湯...)友人塊扒都係咸，不過無我個塊咁咸，但好鬼鞋同un...我覺得我個塊扒相比下「好食」D...雖說如此，我唔敢話我唔會再黎食，因為呢度「最值得留戀」係部電視機...唔知有無人可以介紹黃大仙有咩地方好食，兼且有電視睇呢？