影片
更多
2008-09-02
33 瀏覽
見咁多member都話豆沙燒餅好食....咁啱今日過旺角....所以特登兜過去買黎試試.....買左5個豆沙燒餅($13), 6條香蕉糕($10), 同埋5件棋子餅($10)同家人分享...本來想試鮑魚酥同核桃酥....問下阿姐....跟住佢好晦氣咁講"買～晒～喇～"...唔駛咁呀.....買左即試.....棋子餅...我會形容佢係無餡0既月餅.....好好食呀...因為我好鍾意食月餅陣皮....次次食月餅都會撩走晒D蓮蓉蛋黃同豆沙.....我真係孤陋寡聞...原來有棋子餅呢樣野....真係相逢恨晚呀....棋子餅好鬆化....好香...雖然無餡....但係0個陣焗爐烘培出黎0既天然香味已經令佢生色不少.....好味香蕉糕...大件夾抵食.....咬落口好軟棉棉好煙韌....好香香蕉油味....但係太甜....真係甜得有D過份.....食落口好明顯feel到D糖未溶得晒....0趙真D就會feel到個口感係沙沙地咁...扣左D分.....豆沙燒餅...拎上手....係微暖....我初初仲以為好油膩....但係又唔係wor....咬落口....真係超級煙韌....個燒餅邊硬硬地...好味
咁啱今日過旺角....所以特登兜過去買黎試試.....
買左5個豆沙燒餅($13), 6條香蕉糕($10), 同埋5件棋子餅($10)同家人分享...
本來想試鮑魚酥同核桃酥....問下阿姐....跟住佢好晦氣咁講"買～晒～喇～"...唔駛咁呀.....
買左即試.....
棋子餅...我會形容佢係無餡0既月餅.....好好食呀...因為我好鍾意食月餅陣皮....次次食月餅都會撩走晒D蓮蓉蛋黃同豆沙.....我真係孤陋寡聞...原來有棋子餅呢樣野....真係相逢恨晚呀....棋子餅好鬆化....好香...雖然無餡....但係0個陣焗爐烘培出黎0既天然香味已經令佢生色不少.....好味
香蕉糕...大件夾抵食.....咬落口好軟棉棉好煙韌....好香香蕉油味....但係太甜....真係甜得有D過份.....食落口好明顯feel到D糖未溶得晒....0趙真D就會feel到個口感係沙沙地咁...扣左D分.....
豆沙燒餅...拎上手....係微暖....我初初仲以為好油膩....但係又唔係wor....咬落口....真係超級煙韌....個燒餅邊硬硬地...好味....再咬多一啖...豆沙餡好滑...又唔會太甜....都算好足料.....唔錯....
今次總共買左$33....3個人食都已經可以食得好飽.....
下次無論如何都要encore棋子餅...仲要試下鮑魚酥同核桃酥先得.....
張貼
