尚點 小籠包.上海麵館 (置富第一城) (已結業)

老實平時好少打食評
平時午餐都冇咩要求
但今次真係好嬲

叫左個雞絲麻醬撈麵
點知一黎到竟然係米線
仲要熱到一舊舊
d雞絲味道又怪
個麻醬又膩 仲要勁多
超難食

之後個菜飯有d生米
仲要勁油
個回鍋肉味唔錯 但略鹹

個小籠包蒸太耐
又痴住左張紙
搞到d汁跌哂落去

果隻蛋完全冇味
是但搵d老抽浸左就算

個鍋貼普通
冇咩特別
連普通街邊都好食過佢

最後果個高力豆沙
等左差唔多一個鐘
好彩今日唔使返工
如果唔係真係多得佢唔少
同個侍應話唔要
佢仲黑哂面
話有單先炸 所以耐d
都唔使前唔多成個鐘掛