玥屋

營業中

休息中

早排見Facebook推文介紹大角嘴有間唔錯又平民價既壽司，而且見D相賣相又真係好得，上網睇完D資料知道餐廳位少，最好book位先，於是放工前就打個電話去Book，一聽，我話唔該我想Book2位今晚，未講完，對方就話，唔好意思今晚full曬！跟手就收線！本來真係惱惱地D咁既服務，不過死唔忿氣想去試下咩咁巴閉！地方唔難搵，去到得三個人做，座位少而且坐滿，都唔打算堂食嘎啦，寫左外賣單轉頭拎，大約半個鐘左右返去攞，個師傅又幾好態度，比完錢當然就心急試啦！壽司雖然細細夠，但用料都無偷工，D飯唔鬆散入口又真係比一般壽司店食到既有分別！而且唔使點任何野就咁食都Ok，尤其個象蛂蚌壽司，三文魚味亦較濃！如果只係以價錢去睇，佢真係唔似推文介紹既平價，但以CP值計，都算過得去！可以再食