鳳城酒家 (已結業)

補祝父親節，5個人，叫左八樣野：蟹肉冬蓉羹 - 清清地，D蟹用都好新鮮，不過有少少蟹殼，都幾好味八寶鴨 - 諗住唔食炸子雞，試隻鴨。隻鴨掘空，裡面釀D料好似食咁，鴨面淋個汁。鍾意食ge咪覺得OK，唔鍾意食就唔好叫喇~~竹笙上素 - 都好食豉汁蒸黃骨魚 - 好滑，全晚最好食呢樣紅燒沙田豆腐 - 呢個係全晚第二滿意ge菜上湯炸粉果 - D臭粉味未散，一咬落去D亞摩尼亞味就"供"出黎，差就差在呢度...有D失望鳳城炒飯 - OK，似一個唔落茄汁ge西炒飯蓮茸西米焗布甸 - 同旺角果間個樣唔同，面頭好似有D焦糖，"令立立"，我鍾意食旺角果種多D，但老公話呢個都好食。服務不錯，全晚都招呼週到，叫菜前個部長還問我地有無AIG 卡，有套餐優惠，又推介例湯(豬肺湯)，又問我地夠唔夠食(初時無叫魚同豆腐)。有問必答，都幾好ge。整體上，食物一定無旺角咁好，但服務就好好多。