越之味 (新都城中心) (已結業)

今日同frd落樓下揾野食 見倒UG層多左好多新開食肆 本身諗住試吓台灣野 但我個frd話食過唔好食 個湯底好似肉骨茶 結果我哋就試咗越南野 (因為見到門口好多報紙都登話好食🤨所以先放膽一試) 當然 佢哋果然名不虛傳真係非常好食 所以喺呢度推薦比大家 我嗰日食嗰個係👉🏻慢煮燒牛肉湯河👈🏻啲燒牛七成熟 口感一流 從來未食過咁好食嘅慢煮燒牛 仲要佢地D牛嘅份量 同佢地擺出黎張相一樣 冇偷工減料 絕對夠食得飽 🤙🏻🤙🏻👋 同埋落左單 好快就有得食 個湯底仲要好熱 啲河粉係爽口 唔係淋曬 仲有 個湯底真係好好味😍除此之外 佢哋飲品仲要係半價 所以我都試咗杯玫瑰蘆薈茶 又真係幾好飲❤️ 而我個friend就試咗佢哋個牛丸扎肉湯河 啲牛丸爽口彈牙 真係超好食😍😍😍 同埋佢哋啲小食都好好食 我地嗌左個 蟹膏燒牛肉米捲 點埋佢哋個檬汁真係好正 🥳🥳 同埋佢哋講檬汁樽 真係好細心 別具特色 佢哋啲樽有個位畀人扭 for 我地可以搞得雲啲蘿蔔蓉👍🏼👍🏼👍🏼 真係要讚下