樹屋泰菜 (已搬遷) 新店位置

好多人都推介呢個泰菜，本身都怕佢係花園街市，環境會有點不理想，但去到真係exceed expectation，好整潔，而且坐得又唔會好逼。食物比出面平，價錢十分親民。特別推介有泰式生蝦刺身，一樣有冰粒墊底，食落爽口新鮮，出面食90幾走唔甩，但呢到60幾就得，認真抵食! 黎到樹屋必點仲有燒雞翼，因為佢係即叫即燒，所以都等左成20分鐘。雞翼係全翼黎，燒到雞皮脆卜卜，肉汁多到滴哂出黎，可惜佢落左太多泰式辣醬喺雞翼上面，整都整唔走，冇左燒雞翼嘅原汁原味。冬蔭功料都算多，有蕃茄、菇、蝦等等，食極都仲多。味道偏甜既，但依然有酸辣味，好易入口。大家都覺得佢喺街市就怕左，我覺得好值得一試!