羽壽司 (已結業)

行到地，係時候搵個地方食飯。唔想食油膩野，就揀了食迴轉壽司。因為時間早我揀了bar，真係惡夢開始。原來壽司師傅握完壽司後，不是立即蓋上膠蓋，而是由侍應們蓋上，佢o地不斷從客人身後面申手向迴轉帶上的壽司蓋上，令到我o地要避來避去，非常騷擾。而且點了order紙有漏單情況。我o地只食了5碟壽司、一碟刺身、一碟軟殼蟹及一碗湯就走。從未試過食咁少又食唔飽就走人。講番食物方面，質素一般啦，炸軟殼蟹一碟有兩隻，炸得好脆，炸粉唔算多。赤貝好大件又爽口、帶子雖然係又大又厚，不過帶點點腥味、鰻魚及劍魚唔夠肥，而且鰻魚壽司的燒汁亦唔夠多、油甘魚刺身又是厚切，肉質有少少腍，食唔出有種肥美感覺。佢與同類的幾間迴轉壽司相比，真係較遜。