上海兄弟 (已結業)

7點幾諗住近近地同同事們食完dinner返公司OT, 見冇乜人就入去試o下啦!花雕醉雞: 唔好食, 剩係得酒味, 仲要唔入味, 酒還酒雞還雞, 唔識整就唔好整啦!!酸辣湯: 廿幾蚊一細碗仔, 貴到你飛起, 一上檯同事們同我都呆晒, 仲要唔好味, 又唔酸又唔辣, 咁點叫酸辣湯?? 鍋貼: ok服務: 有個狀似老闆 / 經理o既人, 成日人o地食食o下o野就伸手搞人檯面d碟呀杯呀碗呀餐牌呀咁, 無啦啦都要移動d o野, 夾緊餸都要移你隻碟, 想點?? 係要騷擾住你食o野先至安樂!! 手痕就自己左手抓右手啦煩住晒!! 仲有個阿姐全程企你隔離監視住食o野, 想輕輕鬆鬆食餐飯, 俾佢o地搞到乜o野mood都冇晒!! 掃興!!本來諗住叫少少食住等埋另外幾個同事o黎先至加餸, 同事們話去第二度食好過, 即刻找數走人到附近酒樓覓食去!!雖然價錢懶係唔貴咁, 但你要知道佢係好細份量咋!! 唔好expect食得飽!! 食完好似冇食過咁, 不過食到一肚氣囉, 食碗雲吞麵冇咁嬲!!