影片
更多
2015-09-25
948 瀏覽
喺中環既平日中午時份搵食真係唔可以有太高要求，所以是日貪方便諗住去「機利文新街」求其搵間條隊最短既餐廳快快食完快D走就算，點知就中左伏！呢度既門面以至裝修都十足十近日hit到爆既連鎖台式食肆，可惜既係同「茶木」等等大熱之流相比真係差足九條街！黑糖冬瓜茶及柳丁茶（跟餐）︰做得跟餐既飲品對佢已經無乜要求，「黑糖冬瓜茶」超甜都算，但果杯柳丁茶（其實即係橙汁）係暖既！雖然杯野已經落左好多冰（差唔多1/3都係冰），但因為需要時間溶解既關係所以頭5分鐘基本上都係喺room temperature狀態！見到隔離枱位哥哥叫左杯「走冰」之後感覺中伏個樣真係既無奈又好笑！哈哈！屋喔牛魔王麵餐 ($60)︰可能舖頭太忙既關係，店員問都冇問就自動幫我叫左「香辣」，不過鍾意食辣既我都冇乜所謂，反正一試無妨，點知又中伏！個湯底辣到爆不特止，感覺似係求其「後期加工」製成既「triple shot」紅油抄手sauce多過認認真真預備既湯底。所謂既「牛魔王」更加只係煲過湯既湯渣，一咬落去就食得出毫無肉味，感覺激似超級市場果D煲完湯之後拎出黎賣既鹹豬手咁，非常失望。成碗野唯一可取既係D麵，算係standard交足功課！黃
黑糖冬瓜茶及柳丁茶（跟餐）︰做得跟餐既飲品對佢已經無乜要求，「黑糖冬瓜茶」超甜都算，但果杯柳丁茶（其實即係橙汁）係暖既！雖然杯野已經落左好多冰（差唔多1/3都係冰），但因為需要時間溶解既關係所以頭5分鐘基本上都係喺room temperature狀態！見到隔離枱位哥哥叫左杯「走冰」之後感覺中伏個樣真係既無奈又好笑！哈哈！
屋喔牛魔王麵餐 ($60)︰可能舖頭太忙既關係，店員問都冇問就自動幫我叫左「香辣」，不過鍾意食辣既我都冇乜所謂，反正一試無妨，點知又中伏！個湯底辣到爆不特止，感覺似係求其「後期加工」製成既「triple shot」紅油抄手sauce多過認認真真預備既湯底。所謂既「牛魔王」更加只係煲過湯既湯渣，一咬落去就食得出毫無肉味，感覺激似超級市場果D煲完湯之後拎出黎賣既鹹豬手咁，非常失望。成碗野唯一可取既係D麵，算係standard交足功課！
屋喔牛魔王麵
$60
32 瀏覽
0 讚好
0 留言
黃金雞排肉燥飯餐 ($56): Again，再一次同已跌至低點既期望有落差。D飯唔知係咪落唔夠水定一早煲好晒，整體口感偏硬食落去既時候好唔舒服！雖然主角雞排尚算鬆脆，叫做不過不失，但果個所謂「肉燥」幾乎一粒肉都搵唔到！裏面既冬菇更加炆得唔舊火喉，咬極都咬唔開！我擔心會好難消化，所以只好放棄作罷！
黃金雞排肉燥飯
$56
62 瀏覽
0 讚好
0 留言
總括黎講，呢度俾我既感覺只係一間用所謂「台式」食物包裝，mark-up而成既高級茶餐廳，唔太正宗不倫不類咁。$60一個午餐喺中環黎講雖然唔算貴，但係以咁既質素黎講絕對物非所值，我寧願去食個雲吞麵或者俾多幾十蚊食個proper D 既set lunch重好！
張貼
