巴西燒烤餐廳 (已結業)

7月1日回歸日，6條友去左巴西燒烤食宵夜時段，8點幾book位，9點半有得準時入座，雖然係紅日同埋附近放煙花，但竟然一d都唔多人。格局方面，餐應尚算寬敞，但中心位置乃取食物處，但附近竟為一條很臭的後樓梯，應該是放食剩的食物的地方，臭樓梯附近的檯都沒有人坐，不知為何這麼臭而店主竟不加處理！我地坐的地方係最入面的位置，呢到比較有特色係的會有個扮廚師的侍應拎野食出黎切俾人客食，同埋有兩個能歌能奏的表演者俾客人點歌。食物方面，算係食得飽人，可能我地食的係九點半$68宵夜時段，食物款式無幾，亦唔係特別好食，其中最深刻的係一舊黑蚊蚊食極都食唔到的唔知乜東東(最後lure返出黎...)，同埋最好味的燒羊腿+燒雞翼，其他的野食有司華力腸、燒茄子、燒波蘿、燒栗米等等十幾款。$68+1呢個價錢有任食的野，我諗除左明將就係呢到，抵唔抵食就見仁見智啦。想食好d？睇黎都係俾多$40早D黎食啦。呢到好的地方係唔太多人，唔會趕客走，最開心的係有得一班人最下水同埋可以笑到好大聲，我地坐到最後收鋪先走人。如果係一大班人，個個都係男仔，但求食得飽而有個地方坐下傾下偈，呢到絕對係個好地方！