金利來

營業中

休息中

買了團購海鮮升級版10道菜， 每位298， 價錢平菜式吸引，要去試下。本來是食晚飯， 但因為已經訂滿，所以改食中午。 酒家交通方便，就在鯉魚門路口，非常易找。店舖如一般茶餐廳，沒有特別裝潢。象拔蚌刺身賣相平庸， 但食落都甜美爽口呀！清蒸新鮮鮑魚鮑魚唔算大隻，但勝在夠新鮮肉厚。椒鹽瀨尿蝦本人對瀨尿蝦一般， 因為剝殼的程序非常麻煩。 椒鹽唔夠多味道入唔到蝦肉內， 跟普通 烹調冇分別。豉汁蒸蟶子皇size唔夠大， 極其量都係中型， 但蒸得恰到好處， 唔韌味鮮有口感。清蒸爆膏奄仔蟹沒有令人失望，真係好多膏，而且蟹肉味清甜， 用蒸最好， 保持原汁原味。芝士龍蝦伊麵獻汁唔夠，但龍蝦肉彈牙。秘製海鮮湯沒有特別魚湯味，好咸生猛海青班竟然係東星斑， 簡直喜出望外， 肉質滑溜，yummy ， 這條魚要加分，足以彌補其他菜式 的不足。生炒糯米飯應該是先蒸後炒，然後加小小蔥花豉油，唔好食！最後郊外油菜生菜鮮嫩， 為這一個海鮮餐劃上句號。