橘焱胡同燒肉夜食 (已結業)

我地一行6人，一個月前已經相約要試一下依間台灣過江龍，滿心歡喜於兩星期前訂位！當天打電話確認先知只可以食2小時，已經有d擔心，因為怕未食完就要走。8點6個人準時入座，一開始叫左，10碟菜，有焼肉有沙律有小食，過左一小時......發覺唔對路，我地只食左2碟燒肉，因為每燒完一碟，要等服務員來幫手燒，我地等唔切，自己動手，服務員就話火力唔啱，佢地要幫我！一碟燒肉大概十件，每15分鐘先等到佢幫忙焼一碟，我地最後坐左2小時，都只係食左6碟（每人大摡10件焼肉）真心覺得唔夠爽。但講到食物質素，真係幾好，牛肉香軟，其他燒肉亦好好食，推介牛舌、椒鹽雞軟骨及墨魚香腸（但要燒好耐），小食方面推介蕃茄仔及蘿蔔，酸酸甜甜好開胃。