荃灣豐盛酒家 (已結業)

琴日同左屋企人同女友去左呢間店食晚飯,叫左個半圍菜,都幾多野食,但所有野都只係好一般,其中o既白灼蝦係最好食o既,但亦有d野好難食o既,好似海鮮卷,好臭......佢o既上菜o既速度唔得,一開頭就一次過來左五樣野,咁快邊食得曬呀,好啦食快d啦,因為後面應仲有野上,點知我地食完曬再過15分鐘都唔見有野來,之後叫左小二睇下,佢話整緊,再過15分鐘,叫左個部長,佢都係話整緊,最後過多10分鐘先再有野上,而琴晚唔算多客,個廚房都係咁,人多真係唔知.呢度d小二好多都十問九唔應,可能個場太大,唔夠人掛,個別有一兩個部長做野好快,而且叫做比較有禮貌,呢間店真係要請多幾個呢d部長啦.