昭拍耶2 (已結業)

之前經過店子門口，見其型格裝潢，已經決定要黎一試。終於......有丁點失望，驚喜欠奉。一行兩個人，叫左個臘腸鳮煲仔飯，鐵板蠔餅，炸南瓜粟米餅，椰青同花茶！先講煲仔飯（先唔理點解我朋友會揀響泰國餐廳叫煲仔飯）成個感覺似糯米雞，飯"林"林"的,煲底好油喔。鐵板蠔餅好大塊，無咩特別，下面大量笌菜鋪底，唔知係咪因為咁好多水走出黎。再黎係粟米餅，又係一大盤，個樣超級熱氣，其實未食都已經好飽，結果打包！最特別應該係我杯飲品-藍色既花茶甜甜的.加左一片青檸，襯左👍全部都好一般。以為新派泰菜會有驚喜！裝修雖有其風格，不過部分似乎有點格格不入。