Tamarind

星期六下午1:30左右開始排，大約排半個鐘終於入到去。
餐廳個環境幾新淨亦幾有泰國feel嘅，不過地下有輕微跣。兩個人最後叫咗泰式牛肉船麵+泰國龍眼水+沙嗲豬串燒+泰式青芒沙律+芒果糯米飯，每個飯麵主餐都可以配set lunch飲品。豬串燒味道幾驚艷，整體味道係唔錯，應該會二訪，不過船麵&泰式沙律都有唔少芫荽，唔食嘅朋友落單時可能要預先叫佢哋走芫荽（見到好多人叫火山排骨，諗住下次試下就問下店員，但佢話火山排骨係落芫荽+芫荽汁）。

湯底足料濃郁，麵揀咗河粉，口感幾好但可以再煙靭啲啲，牛肉肉質唔錯，肉丸就正常發揮。

$88

沙嗲豬串燒但搵唔到沙嗲，不過燒得啱啱好，好好味，下次二訪可以再叫。青芒沙律唔太啱本人口味，亦同平時食開嘅泰式沙律味道好似有啲唔同。

微暖嘅糯米飯配甜而唔酸嘅芒果係好食嘅。

$58