影片
更多
2018-06-17
527 瀏覽
去聽演唱會前最好就係喺尖東食飯先，食完行去紅館就啱晒！呢間車仔麵又係朋友介紹，話好好食，所以試吓啦！排隊戈陣姐姐畀左點餸紙我地先填好，填好左會即刻收。每樣餸都唔同價錢，款式比較特別，原來車仔麵都有分子料理！排左15分鐘左右就有位，坐低唔夠3分鐘已經有野食，好快！不過原來全部餸都係分開上，唔怪得咁快！先講兩個湯底，一個係瑤柱濃湯底，瑤柱味好香，感覺好滋補，另一個係黑松露湯底，個人認為黑松露可以再濃d。肥牛肉 ⋯ 甜甜地，酸酸地，算稔，無特別龍珠甜酸齋 ⋯ 綠色粒粒味道似奇異果？甜酸齋細細粒，脆脆地，但唔夠酸黑松露芒果分子蛋 ⋯ 無睇介紹以為真係隻蛋，原來係入面有芒果汁既野，穿左塊膜就真係飲緊果汁咁，好特別口水雞中翼 ⋯ 雞翼本身無咩味，全靠上面既辣醬，尚可以總括而言，呢度價錢比出面貴，雖然款式新穎，但我都係鍾意傳統車仔麵多d！😁
排隊戈陣姐姐畀左點餸紙我地先填好，填好左會即刻收。每樣餸都唔同價錢，款式比較特別，原來車仔麵都有分子料理！排左15分鐘左右就有位，坐低唔夠3分鐘已經有野食，好快！
不過原來全部餸都係分開上，唔怪得咁快！先講兩個湯底，一個係瑤柱濃湯底，瑤柱味好香，感覺好滋補，另一個係黑松露湯底，個人認為黑松露可以再濃d。
肥牛肉 ⋯ 甜甜地，酸酸地，算稔，無特別
龍珠甜酸齋 ⋯ 綠色粒粒味道似奇異果？甜酸齋細細粒，脆脆地，但唔夠酸
黑松露芒果分子蛋 ⋯ 無睇介紹以為真係隻蛋，原來係入面有芒果汁既野，穿左塊膜就真係飲緊果汁咁，好特別
口水雞中翼 ⋯ 雞翼本身無咩味，全靠上面既辣醬，尚可以
總括而言，呢度價錢比出面貴，雖然款式新穎，但我都係鍾意傳統車仔麵多d！😁
張貼
