Monster Burger (已結業)

今日要去遠東今融中心做野，得好少時間食飯，見好耐無食過monster burger，所以就黎左啦。大概12:15去到，未係lunch time，所以唔係好多人。諗左一陣，要左個手打牛肉芝士漢堡，唔要薯條轉左做沙律，野飲要咖啡，不過咖啡原來要加$3，不過無咩所謂啦，因為實在唔想飲汽水。買完後佢俾左張$20現金卷我，原來係買滿$50就有，但係限期係11月30日前，即係迫你一個月內再黎食過，有$20喎，點都唔會浪費啦! 我食既時候已經聽到隔離檯話下星期要再食過。沙律依舊不值一提，如果唔係佢散叫都係差唔多錢，我真係唔會要，係普通既薯仔沙律，仲有d粟米同埋桃既物體，勁多沙律醬。但真係麻麻地好食，感覺好求其，我食剩哂d薯仔係度。講返個包，個人覺得唔難食，但要我揀我以後一定都係會去返中環食。感覺呢度做得比較求其，出黎個樣已經唔係太靚，而且又唔係好夠熱。仲有就係個包可能焗得過長時間，搞到勁脆，黎到已經勁多麵包碎散哂。而且感覺個包薄左dd，如果厚d會好食d。牛肉依舊係好食既，真係食到有肉汁，仲幾多添。亦唔會話好粗糙，配埋d醬汁依舊係好味的。雖然唔難食，但感覺做野唔得細緻，好隨便咁，所以我以後都係去返中環