便所主題餐廳 (已結業)

初時見到d食評都唔係咁好, 但又想d小朋友開心下, 所以算啦, 照去, 心諗好唔好都係一次. 但食過後又唔係咁差呀, 我諗我重會有下次添.我地分別叫咗3個套餐, 每個餐大約$90, 但都算豐富, 因除主菜外, 重有餐湯, 沙律, 蛋糕及雪糕, 除主菜及餐湯外, 沙律, 蛋糕及雪糕都係任叫任食, 而且味道都幾好, 所以覺得好抵食. 蛋糕分別有3款芝士餅, 1款朱古力及1款卷蛋, 都幾好味, 而雪糕亦有好幾款口味, 分別係竽頭, 咖啡, 綠茶及雲尼拿, 都好好味.侍應的服務只屬一般, 但要讚一位我相信是supervisor的肥姐姐, 佢的態度非常好, 事由如下 :原本我地order 咗一份漢堡, 但由於品質太差, 我們要求更換菜式, 原本我的老公想轉無錫排骨麵, 但我話見過網上食評話唔好, 所以我建議食鮮奶叉燒烏冬. 點知肥姐姐一聽我咁講, 即刻話唔想我地被誤導, 她除咗幫我地改單外, 重免費送咗一客無錫排骨給我們, 試後又確實好"林"好入味, 一d都唔係食評所講的好硬.總括而言, 都係值得一試的餐廳