1. 唔正宗，根本唔係嗰回事
2. 羊肉麻麻地
3. 價錢可接受
4. 唔太飽肚建議嗌個飯
5. 圖文不符
6. 員工態度幾好
7. 坐得好唔舒服，張枱設計有問題，會頂住隻腳
首先我係為咗成吉思汗燒嚟，見隔離枱叫咗個羊肉大盛好細份所以都係決定散叫。
1. 羊肉卷 👌
佢都幾大碟嘅但我覺得冇乜羊肉味，同埋有少少鞋，又未解涷，煎幾下就好快手食啦唔好等佢全熟會唔好食。
2. 羊腿 👍🏻
呢個羊味濃好多，但我唔鍾意佢一塊塊機切，始終唔係咁正宗，喺北海道通常係手切不規則形狀。
3. 羊柳 👌
Ok la 調味ok 嘅，肉質怪怪哋，都係冇乜肉味，唔知係落咗鬆肉粉定唔新鮮定點。同埋同menu 上幅圖係唔一樣㗎😂 出到嚟變咗一粒粒咁
4. 白飯👎
圖文不符🤬平時啲人食日式燒肉都鍾意配玉子葱飯，呢度冇，咁我望住張圖見到白飯好似幾大碗又有飯素喺上面就嗌呢個算啦，點知係茶記咁大隻碗嘅純白飯🍚 騙局
5. 大啡菇👍🏻
好食，必叫，好多汁，可以消油膩。不過一碟得一隻啫。
6. 茄子👎
得四塊，好薄，唔抵食。
——————————————————
平時燒肉我會嗌超多嘢食，但呢間喺我覺得冇乜必要，再嗌都係冇驚喜。真係唔正宗，從切法、settings 、肉嘅味道、餐牌而言都唔係日本嗰隻。羊肉唔夠好係好大問題，亦冇分到部位，佢攞呢個嚟做招牌令人費解。
我覺得你當佢係一間迎合香港人嘅普通燒肉店嚟睇就ok ，會開心好多，但如果你係look for 成吉思汗燒呢，就嚟錯地方啦😮💨
