大和牛石燒專門店 (已結業)

尋晚去九龍灣睇戲,順便去得寶間大和牛食好野。7點半已好滿,建議提早book位或者早d去。佢地沙律,湯,飯同醬料都係免費任拎的呢個A5和牛好好吃ar,叫一份200g再加飯同沙律就夠飽了,佢地油脂分布圴勻,入口即溶,花紋同日本石垣牛有d似,一放上去石板好快就食得,再點埋燒汁,同去左日本差唔多。澳洲M6和牛小排呢個亦都唔錯,價錢相對平少少,大大塊好厚,燒到十成熟但都完全唔覺韌,同超市買到o既普通平價牛肉有好大分別。建議落鹽,同日本A5和牛係另一種食法。唔鐘意食牛o既話,亦都唔會冇野食都可以試下佢o既日本豚肉同雞上脾, 照樣可以任食飯同沙律仲有湯,價錢更加實惠,不過我地今次冇試。七寶札幌生啤完全唔苦,好易入口。一啖燒肉一啖啤酒,人生一大享受。