影片
更多
2015-10-12
674 瀏覽
長洲糯米糍入侵市區都一段時間，前排入侵埋葵芳，日日大排大龍。想試咗好耐，奈何葵涌廣場從來不乏平靚正，仲要唔使排隊嘅小食，糯米糍小姐太多競爭對手，一直拖啊〜拖啊〜拖，拖到尋日，經過見到人少少，於是即刻去馬 買咗抹茶﹑芒果﹑貓山王六隻糯米糍，外加一盒麥提莎，盛惠114大洋。番屋企急不及待要試下，基本上三隻味嘅皮都係一樣，基於我特別鍾意食煙煙韌韌嘅嘢，我覺得厚度適中，軟熟煙韌，帶有很淡很淡的甜味，十分討好口味由淡至濃，先嚟抹茶。個人覺得是三者之中最普通，抹茶味很淡，抹茶理應有淡淡的甘味，但呢個抹茶餡偏甜，人造的味道完全掩蓋了抹茶應有的味道芒果味size略為大過其他少少，中間大大块新鮮芒果肉，雖然已經是秋天，但芒果依然巨甜，而且是天然巨甜，吃不出人造甜味，不愧是長洲糯米糍王牌再嚟最貴的貓山王，本來是想買普通的榴槤味，不過想孝敬一下爸爸媽咪，就買咗升級版的貓山王。用料充足，啖啖榴槤，齒頰留香，食一隻絕對唔夠喉! 不過個人覺得20蚊一隻偏貴，而且做糯米糍餡用貓山王有點大材小用，下次都係買番普通榴槤味 最後喺麥提莎，size大約係真正嘅麥提莎1.5倍，外層沾滿了朱古力粉，下間一層薄薄的糯米皮，包
買咗抹茶﹑芒果﹑貓山王六隻糯米糍，外加一盒麥提莎，盛惠114大洋。番屋企急不及待要試下，基本上三隻味嘅皮都係一樣，基於我特別鍾意食煙煙韌韌嘅嘢，我覺得厚度適中，軟熟煙韌，帶有很淡很淡的甜味，十分討好
口味由淡至濃，先嚟抹茶。個人覺得是三者之中最普通，抹茶味很淡，抹茶理應有淡淡的甘味，但呢個抹茶餡偏甜，人造的味道完全掩蓋了抹茶應有的味道
芒果味size略為大過其他少少，中間大大块新鮮芒果肉，雖然已經是秋天，但芒果依然巨甜，而且是天然巨甜，吃不出人造甜味，不愧是長洲糯米糍王牌
再嚟最貴的貓山王，本來是想買普通的榴槤味，不過想孝敬一下爸爸媽咪，就買咗升級版的貓山王。用料充足，啖啖榴槤，齒頰留香，食一隻絕對唔夠喉! 不過個人覺得20蚊一隻偏貴，而且做糯米糍餡用貓山王有點大材小用，下次都係買番普通榴槤味
最後喺麥提莎，size大約係真正嘅麥提莎1.5倍，外層沾滿了朱古力粉，下間一層薄薄的糯米皮，包裹著夾心威化。口感比真的麥提莎煙韌，無咁甜，都幾得意
香港的小食通常都係冒起得快，消化得仲快。雞蛋仔﹑夾餅﹑窩夫﹑frozen yogurt，熱潮一陣蓋一陣，依加潮流興兩兩相配，窩夫配完雪糕，爆谷﹑雞蛋仔﹑曲奇都要加雪糕。長洲糯米糍入侵市區，越開越多，唔知熱潮幾時會退，定已經退咗，不過可以唔使入長洲都食到長洲地道小食，對好似我咁嘅為食貓點都係好事
張貼
