深宵食堂 (已結業)

今日放工想食串燒,就約左朋友去銅鑼灣深宵食堂食好野。呢度串燒價錢大概$20-40 串, 種類都幾多, 我地就點左一口牛, 雞腎, 帆立貝, 牛舌, 雞翼串, 芝士年糕, 茄子, 粟米, 翠肉瓜同冬菇。蔬菜類既串燒唔錯, 唔會燒得好乾身同好燶, 仲幾JUICY同香口, 幾好味。而肉類都燒得剛剛好, 唔會好UN同鞋,而且份量都唔細, LIKE!!我個人推仲芝士年糕, 年糕煙煙UN UN, 井入面爆芝, 外脆內軟, 好好味!!! 食串燒又點可以唔飲啤酒, 夠凍, 爽呀!除左串燒, 我地仲叫左深宵推介: 八爪魚大阪燒同芝士蟹肉玉子燒。八爪魚大阪燒得2個, 份量有D 少, 但入面有頗多八爪魚, 口感唔錯。而芝士蟹肉玉子燒入面冇咩蟹肉, 但玉子質地軟滑, 切開有蛋汁同芝士流出黎, 正!話明餐廳叫深宵食堂, 當然會有漫畫入面既菜式: 奶油飯同奴豆腐!! 奶油飯其實係白飯加醬油同奶油, 味道好特別, 好香奶油味, 但略嫌醬油太少同飯太硬, 味道普通。而奴豆腐就係豆腐上淋上胡麻醬, 清清涼涼, 令到食串燒感覺上無咁熱氣。