影片
更多
2016-09-07
7522 瀏覽
我相信如果無揸車的話，港島區嘅人係絕對唔會去九龍區，莫講話係一啲新界地區。今次朋友仔有揸開車，問有無興趣去元朗嘅一間西餐廳，d嘢食幾好特色，仲話餐廳的範圍入面會有一d兒童嘅休戲的地方，玩境幾好。難得係點對點的接送服務，去邊到食梗係無問題喇！仲可以去遠d見識下，仲唔立刻出發！去到個環境第一個感覺就係幾舒服，周圍其實唔多建築物，外面就係個油站。餐廳建築有d似鐵皮屋，一入口左手邊已經有地方可以泊車，大概係10個車位左右。右邊就係餐廳，係一個U型的設計，左邊短嗰邊係廚房，中間係酒吧，右邊主要係座位，同埋一個迷你遊樂場。入面西式現代化設計，玻璃燈，木製枱，間隔用了玻璃門，可以清楚望到出面的環境，成個感覺好優雅好舒服。有小小美利樓嘅感覺。(可能因為呢間餐廳同美利樓間餐廳係同一個集團)食物方面其實都幾特色，有好款式都未見過。特別多見人食係海鮮併盤，但可惜我地一行三人都唔多食海鮮，所以都選左d大路嘅嘢食。紅莓芝士醬併軟包--必食之選，呢種包係火爐烤出嚟，食落唔係鬆軟嗰隻，係有d煙韌嘅感覺，再配埋拒秘製的紅莓芝士醬，有種錦上添花嘅感覺。火腿菠蘿芝士pizza--呢到嘅pizza 有小小特別，拒係有幾款預
難得係點對點的接送服務，去邊到食梗係無問題喇！仲可以去遠d見識下，仲唔立刻出發！
去到個環境第一個感覺就係幾舒服，周圍其實唔多建築物，外面就係個油站。餐廳建築有d似鐵皮屋，一入口左手邊已經有地方可以泊車，大概係10個車位左右。右邊就係餐廳，係一個U型的設計，左邊短嗰邊係廚房，中間係酒吧，右邊主要係座位，同埋一個迷你遊樂場。
入面西式現代化設計，玻璃燈，木製枱，間隔用了玻璃門，可以清楚望到出面的環境，成個感覺好優雅好舒服。有小小美利樓嘅感覺。(可能因為呢間餐廳同美利樓間餐廳係同一個集團)
食物方面其實都幾特色，有好款式都未見過。特別多見人食係海鮮併盤，但可惜我地一行三人都唔多食海鮮，所以都選左d大路嘅嘢食。紅莓芝士醬併軟包--必食之選，呢種包係火爐烤出嚟，食落唔係鬆軟嗰隻，係有d煙韌嘅感覺，再配埋拒秘製的紅莓芝士醬，有種錦上添花嘅感覺。
火腿菠蘿芝士pizza--呢到嘅pizza 有小小特別，拒係有幾款預先規定好的餅底比你選擇的，通常係一些配料，如果要d主料，例如巴拿馬火腿之類就需要另外加配。
我地就剩係選左呢款pizza，其實材料都已經好夠，味道幾傳統，覺得最好味的反而係拒上面一條條嘅類似芒果的乾肉，食落酸酸一，真係好夾。
烤排骨--一大排烤骨，5成肉5成骨嘅分佈，肉已焗到好淋，亦已預先入味，唔需要再加醬汁已經夠味。亮點係蒜片，整到脆卜卜，一啖肉一啖蒜片食落去勁惹味。
烤羊架--半架選左5成肉，望落去d肉色有小小紅紅地，但食落去剛好，唔會因熟過頭而好韌。但就偏肥左小小，有一大舊脂肪痴住，唔係超重口味就建議唔好食呢舊脂肪，唔係一定溜到暈。
焗菠菜--用左d芝士焗個菠菜，味道梗係無得輸。入面仲有菇同薯仔，真係唔可以當拒係一個小食，因為有埋薯仔查實都幾飽下。
呢到最好嘅係有一個迷你樂園，可以比d小朋友走下玩下，唔使d坐唔定嘅小朋友唔知跑左去邊，令你食飯都唔安樂。鐘意家庭樂嘅人，星期六，日嚟呢到都給岩，因為餐廳空地仲會有d攤位遊戲喺度，一路食，一路玩。
張貼
