影片
更多
2021-03-29
6050 瀏覽
已經阻止唔到香港人想去旅行既心喇～連食個自助餐都要揀悠遊異國主題😆唔係朋友介紹，真係唔知屏山有間咁正既餐廳！元朗站轉輕鐵過黎屏山站落車行幾步，大概15分鐘就可到達，交通尚算方便！主題自助餐每逢星期日或公眾假期先有😎 可以由11點食到3點～預約時要留意日期😉比起酒店自助餐，依到相對行親子餐廳路線👨👩👧👦除左食野，另有小廚師工作坊、小丑哥哥扭汽球、氣墊球、籃球架、户外遊樂區，大人細路都可以一齊參與～＊－。－。－。－。－。－。－。－。－。－＊指定動作！係門口GATE位拎住登機證打打卡先！✌🏻✨登機證係稍後用作換領免費Cocktail或Mocktail一杯～千祈唔好整唔見啊！自助餐分為幾區，室內室外都有，平均分佈餐廳唔同角落，可以分散到人流幾好👍🏻以下為大家粗略介紹一下～🙆🏼♀️＊－。－。－。－。－。－。－。－。－。－＊🔺冷盤區 (室內)每次自助餐最回本方法都係食冷盤😆海鮮有蟹腳、凍蝦、螺。Refill幾密，長拎長有～蟹腳鮮甜多肉，凍蝦肉質爽彈！😍真係食多多都得！火腿、芝士、煙三文魚依啲唔少得想健康啲既都有沙律吧🥬另有日式卷物提供＊－。－。－。－。－。－。－。－。－。－＊🔺熱食區 (室
主題自助餐每逢星期日或公眾假期先有😎 可以由11點食到3點～預約時要留意日期😉
比起酒店自助餐，依到相對行親子餐廳路線👨👩👧👦除左食野，另有小廚師工作坊、小丑哥哥扭汽球、氣墊球、籃球架、户外遊樂區，大人細路都可以一齊參與～
＊－。－。－。－。－。－。－。－。－。－＊
指定動作！係門口GATE位拎住登機證打打卡先！✌🏻✨登機證係稍後用作換領免費Cocktail或Mocktail一杯～千祈唔好整唔見啊！
自助餐分為幾區，室內室外都有，平均分佈餐廳唔同角落，可以分散到人流幾好👍🏻以下為大家粗略介紹一下～🙆🏼♀️
＊－。－。－。－。－。－。－。－。－。－＊
🔺冷盤區 (室內)
每次自助餐最回本方法都係食冷盤😆
海鮮有蟹腳、凍蝦、螺。Refill幾密，長拎長有～
蟹腳鮮甜多肉，凍蝦肉質爽彈！😍真係食多多都得！
火腿、芝士、煙三文魚依啲唔少得
想健康啲既都有沙律吧🥬另有日式卷物提供
＊－。－。－。－。－。－。－。－。－。－＊
🔺熱食區 (室外)話明「悠遊異國」主題自助餐，食物包羅萬有，
枱邊掛滿左唔同國旗切合主題。
✨精選推介✨
法式海龍皇湯、焗蠔、美國肉眼扒、德國炸豬手、
紅酒燉牛肉、泰式咖喱鴨、烤魚、炸雞、
沙嗲串燒、煎餃子、薯條⋯（數不完的食物）
每盤食物份量適中，一食完就會換下一盤，
流轉量高，唔會暴露係空氣太耐，
可以保持新鮮同溫度！🔥
＊－。－。－。－。－。－。－。－。－。－＊
🔺人氣碳燒區(室外)
離遠已經聞到好香既燒烤味～亦有唔少人排隊等拎
專人燒烤，有大蝦、魚、魷魚、腸仔、粟米、菠蘿等
唔想等太耐，可以先落ORDER之後過嚟拎
旁邊提供多款醬汁選擇
[ SiChuan Sauce/ Thai Chilli, Gravy ]
[ Eggplant Dip/ Honey Mustard ]
＊－。－。－。－。－。－。－。－。－。－＊
🔺限時食物區(室外)🤣
所謂「限時食物」意思只會於指定時間出，唔會無限添加！
⏰①片皮鴨LIVE SHOW
食到中段係要出嚟郁動吓～消化完繼續食！
12:30及13:30分別係兩次片皮鴨嘅出爐時間
師傅會即場表演將成隻鴨切到靚靚上碟
刀工了得！話咁快就將成隻鴨片好晒～
皮脆肉嫩又多汁，見到都口水流！
餐廳好細心，LIVE SHOW完畢後，
會將片皮鴨+餅皮+配料+醬汁分成一碟碟
乾淨又企理，加分!
⏰② DRINK REDEMPTION COUNTER
最開頭提及到嘅登機證，係時候要拎返出嚟啦！
貫徹主題，連飲品名都改得好有心思～
Cocktail: Flying Sky🍸
有酒精成份，酒味濃度低，
果味偏多，非常易入口
Mocktail: Captains Punch🍹
冇酒精成份，飲落似果汁，大人細路都啱飲
＊－。－。－。－。－。－。－。－。－。－＊
🔺甜品區 (室內)
雖然食到好飽，但係甜品幾時都有第二個胃去裝！
甜品種類多，花多眼亂@@ 有好多種唔同蛋糕、凍餅
✨精選推介✨
Passion Fruit with Boba｜Black Sesame Mousse
Caramel Custard｜Raspberry Mini Cake
即焗甜品：焦糖燉蛋｜港式西米布甸
由於係親子餐廳，所以都有爆谷、棉花糖、朱古力噴泉，
小朋友見到一定勁開心～
＊－。－。－。－。－。－。－。－。－。－＊
張貼
