瀛風 (良景廣場) (已結業)

相信呢間店已經深受一班屋邨街坊歡迎，但對事唔對人，先講食物。我點嘅係火炙三文魚飯，三文魚有6塊，合理。但塊塊都得紙皮咁簿，壽司飯調較味道同口感都好一般，但份量還可。再講態度，打算同收銀開始落單，之後佢就係到聽電話，完全無意識有人等緊點餐，而且亦無示意唔好意思，輕描淡寫繼續傾。落單個陣，我先講一個豚肉泡菜烏冬，再加個軟殼蟹手卷，唔需要野飲。佢出張單竟然出左芝士軟殼蟹卷，收多我30幾蚊。我話唔好意思我係要軟殼蟹唔係芝士軟殼蟹，佢竟然話聽到有芝士兩個字。拜託，屋邨生意都係生意，一個該有嘅態度係好基本，食物質素我都希望你地對得住個價錢。